Wika at Kalikasan

Wika at Kalikasan

Ma.Victoria B. Garcia



Wika at kalikasan ating pangalagaan

Wagas na pagmamahal, talagang kailangan

Wikang sariling atin, gamitin, mahalin

Kalikasan na ating natatamasa ating pagyamanin.



Mga basura ng tao, tapon doon, tapon dito

Halina’t magkaisa, tayo na’t magbago

Mga basura’y linisin upang hangin ay mabango

Malinis na paligid, masaya ang bawat tao.



Wikang Pambansa ating palawakin

Sariling atin, tangkilikin, pagyamanin

Ang wika ay napag-aaralan at natututunan

Kaya naman ito’y kaugnay ng kalinangan.




Mahalagang papel ginagampanan ng wika

Sa lipunang ating ginagalawan, ito’y nagsisilbing kasangkapan

Na ginagamit ng bawat tao sa pakikipamuhay sa kanyang kapwa

Sa pagpapahayag ng saloobin at pagbabahagi ng karunungan.




Kalikasan at wika ay ating kailangan

Kaya naman ito’y ating pangalagaan

Upang tayo’y maging huwaran

Sa mata ng bawat mamamayan.