"Takatak"

"Takatak"
sa panulat ni Romina A. Ramos





Dumadagundong; ang banta’y umaalulong,

Nariyan na pala ang bughaw na ulupong.



Tinatahak ang pasilyong nilulumot,

Nang-aamba at nananakot.



Karga ang bata; karga ang benta.

Dadalhin mga yosi’t kendi, magpapalamig muna.



Saan sisilong? Saan kukubli?

Kahit ang bata lamang at supot ng kendi.



Mga mata ng aking muwang ay nakatitig sa akin.

“Saan pupunta ang tatay?” patanong n’yang lihim.



Paano kong iiwan ang isang inosente?

Tanging makakasama n’ya ay tig-pipisong bente.



Isang halik sa noo bago pa sumama.

Sa azul na taong nadaan kanina.



Kinabukasan, aking babalikan

Lahing inilayo ng azul na kawatan.

Pinoy nga naman!

Pinoy nga naman!
sa panulat ni Christina Alpad



Sa paglitaw ng hostage-taking crisis sa Maynila,

Pilipinas nanama'y naging bida

Ngunit hindi dahil tayo'y gumawa ng tama

Kundi dahil tayo'y nagmukha daw tanga.



Pinaabot ng halos kalahating araw,

Ang pagsagip na sana'y ginawa bago pa lumubog ang araw

Ang mga pulis na dapat ay mabilis

Hayun at nagpraktis-praktis.



Ngunit ang praktis ay napanis

Nang humarap sa tunay na pagsusulit

Sugod, wait, atras takbo

Taktikang ginamit ng mga pulis sa nag-aamok na tao



Pagbasag ng salamin ay palpak

Maso ay palaging nadudulas

Kaya pinto na lang ang pinagdiskitahan

Ngunit manipis na taling putol ang kinabagsakan



Saksi ang buong mundo

Salamat sa mga mamamahayag na ayon sa pulis ay nakikigulo

At dahil may mga usisero

Hindi maiwasang may isang tinamaan ng bala sa malayo



Sunod-sunod na palitan ng putok,

At mga tao sa bus ay natigok

Pati ang hostage-taker ay bagsak

Sa pagtatapos ng gabing puno ng dahas



Ngayon ay gumagawa sila ng imbestigasyon

Ngunit para sa akin ay iba ang kanilang layon

Maghusgas kamay at ituro ang iba

Upang ang sisi ay di mabaling sa kanila.



Pinoy nga naman o!

Hindi pa rin nagbabago

Kailan kaya tayo matututo?

Sana ay huli na ito.



Kailan kaya tayo mababalita

Hindi sa kadahilanang tayo'y nasalanta

O may napatay na banyaga

Kundi sa kadahilanang tayo'y may nagawang maganda.



Sana malapit na.

Wagas na Pagmamahal ang Kailangan

Wagas na Pagmamahal ang Kailangan
sa panulat ni Mae Ellen M. Brimon


Sa bawat araw na lumilipas

Unti-unting nawawala ang kalikasang pumapagaspas

Ang kagandang dati rati'y nakahahalina

Ngayon ay tila basurang itinapon na



Kung ang ating kalikasan ay napapabayaan

Anupa't ang ating wika ay malapit nang malimutan

Napakarami na sa atin ang nahahalina sa wikang banyaga

Ngunit hindi ba nila batid ang biyayang taglay ng ating sariling wika?



Atensiyon at wagas na pagmamahal ang siyang kailangan

Upang ang wika at kalikasan ay ating matulungan

Presensiya nila'y mahalaga sa ating buhay

dahil sila'y ating pag-asang tunay

Awit ng Pusong Ulila

Awit ng Pusong Ulila
sa panulat ni Ashley Lucas

Lumilipad ang mga gigintong yabag

Sa daan kung saan puno ng sanga,

Hinahawi ang tinik gamit ang espada

Mairaos lamang ang pusong kumakanta.



Sa gitna ng san-tatlo ikaw ang nanguna

Ginamit ang kagitingan upang maisalba,

Yaong alay na dama para sa iyong sinisinta

Maparusahan an ng Diyos ng awa.



Haplos mula sa kamay ng isang dosena,

Walang silbi sa pusong nangungulila.

Hitik na bunga mula sa Gresya,

Anupama'y pitik lamang sa uhaw na dila.



Namumutawi ang tanan mong musika

Sa aking mga ugat na tumatalima,

Hinahangad na ikaw ay makita

Bundok man at dagat ay hindi alintana.



Puspos na halimuyak mula sa lawa,

Huni ay ngalan mo ang ginugunita.

Sundot sa napakadilim kong hawla,

Naghihintay ng liwanag mula sa iyong mukha.



Pagnanasa'y umabot na sa kaitaasan,

Ngunit tila ba ating puso'y pinagkaitan.

Dama ko ang pighati at karamdaman,

Dulot ng pag-ibig na sa atin lamang nananahan.



O irog ako'y sadyang nanghihina

Dasal kong sambit ay binalewala,

Marahil tayo'y tuluyan ng tinalikuran

Pinarusahan sa pag-ibig na hindi naman kasalanan.



Hambog at taksil nga'y pinagbibigyan,

Tayo pa kayang umibig lamang sa kariktan?

Ngayo'y humahangos ang aking pusong ulila,

Gigintong yabag pinapangarap na tuluyan ng makuha.

KAPE

KAPE
sa panulat ni Mary Ann Jobelle Ponce

Sa pampagising mong taglay
Isip at diwa ko’y buhay
Sa kalaliman ng gabing mapanglaw
Hanggang sa pagsikat ni Haring Araw

Habang iba’y himbing na himbing
Eto ngayon ako’t gising na gising
Handing handa ng tapusin
Binigay ng gurong mga takdang aralin

At sa susunod pa na ika’y kailanganin
Ika’y muli kong titimplahin
At muli mo naming buhayin
Katawang lupa kong himbing na himbing

Salamat sa’yo Kape..Hanggang sa uulitin.

SUNOG NA KILAY

SUNOG NA KILAY
sa panulat ni Mary Ann Jobelle L. Ponce

Lapis at papel
Kanilang dala-dala
Naagsisilbing sandatang
Panlaban nila

Araw-araw libro ay binabasa
Taglay ang kaalaman
At mga gintong aral
Sa bawat pahina

Gabi-gabi’y
Nagsusunog ng kilay
Upang magtagumpay
Sa mithiin nilang tunay

Review dito.Review doon.
Puyat pa sa lahat ng pagkakataon
Lagi nalang ganyan
Sa loob ng apat na taon

Sadyang mahirap
Buhay mag-aaaral
Ngunit kapalit nito’y
Sayang di matatawaran ng anuman.

WINDANG

WINDANG
sa panulat ni Mary Ann Jobelle Ponce


Haggard na tunay

Ang aking buhay

Sa mga nakalipas na araw

Kaliwa’t kanan

Nakatakdang pasahan

Tila akin ng nalilimutan

Ang salitang magpahinga ka naman


Lalo na ngayon

Nalalapit na ang eksaminasyon

Ang daming kailangang pag-aralan

Kaya lagi nalang puyatan

At walang tulugan

Eye bugs tuloy ay lumalaking lubos

Sa mga gawaing di maubos- ubos

Kailan ba ito matatapos?

Ako’y bangag ng nakagapos

Sa proyektong di ko matapos tapos


Ngunit bumulong ang Diyos,

Sa sakripisyong nagawa

Nararapat ay gantimpala

Kaya ako’y naniniwala

Balang araw,paghihirap ko’y

May patutunguhan rin

Gabi'y nalalapit ng muli

at sa wakas ako’y makakatulog na rin

Ng pagkahimbing himbing.

Noon ... Ngayon ...

Noon ... Ngayon ...
sa panulat ni Christine Abigael T. Lumugdan


Kalikasan noo'y lubhang kayganda
Mga puno't halaman ating kinakalinga
Luntiang kapaligiran tuwina'y pinapanatili
Upang polusyon, lubos na maisantabi.



Mga ilog ay malinis
Isdang yaman ay kanais-nais
Tubig ay malinaw
Kahit iyong sarili ay matatanaw



Hanging ating nilalanghap
Tunay na sariwa't kaysarap
Polusyon ay di alintana
Bawat isa ay may disiplina



Ngunit anong nangyari sa ating kapaligiran?
Tila Inang Kalikasa'y ating napabayaan
Disiplina sa sarili'y unti-unting naglaho
Likas na yaman ay libos na inabuso



Ating munting mga puno
Ngayo'y gamit bilang troso
Mga dapat sana'y nagbibigay ginhawa
Sanhi ngayon ng malalaking baha



Ilog na tirahan ng mga isda
Lumulutang ngayon ay mga basura
Mga pabrika'y dito bumubuga
Kemikal na sumisira sa kanyang ganda



Hangin na noo'y sariwa
Ngayo'y usok ang nakababahala
Dala nito'y maraming sakit
Perwisyong ito ay hindi kaakit-akit



Kung makapagsasalita lamang
Ating Inang Kalikasan
Sambit nito'y, "Anak nasaan na
pagmamahal mo't pagkalinga?"



Sapat na ba ang noon
Na tayo'y nagbigay pagpapahalaga?
O kulang pa ang ngayon
Upang pagkakamali'y ating mapuna?

SA KANYA

SA KANYA
sa panulat ni Christine Abigael T. Lumugdan


Unang pagsilay ko sa kanyang mga mata
Tanaw ko ang pagmamahal na nais niyang ipadama
Ang sinseridad at kanyang katapatan
Tunay na aking nasisilayan



Sa bawat oras na kami'y magkasama
Lubos ang kasiyahang aking nadarama
Lungkot sa aking labi ay napapawi
Bagkus, napapalitan ng mga ngiti.



Kung mababatid lamang niya
Puso ko'y kanyang nabihag na
Pagmamahal ko'y walang hanggan
Handang ipagsigawan kahit kanino man.



Mula sa mapait na nakaraan
Puso ko'y muling nabuhayan
Tinuruan itong muling magmahal
At pinaramdam ang pagkalinga't pagmamahal



Humadlang man ang karamihan
Sa aming wagas na pagmamahalan
Hindi mapuputol ang aming sinumpaan
SA KANYA ako masaya, noon pa man.

Wika - Tagapagtanggol ng Kailikasa

Wika - Tagapagtanggol ng Kailikasan
sa panulat ni Majar Laika Panes


Katulad ng sanggol na saya ng bahay

Na mabubuhay lang, sa piling ni inay

Katulad ng bunsong ali ang ibinibigay

Sa gitna ng pait, dala mo'y bagong buhay



Katulad ng inang ilaw ng pamilya

Nag-aalaga ka, noon at sa twina

Dugo't pawis kung magbigay, katulad ka ni ama

Na magtataguyod, magtatanggol pagdaka



Kawangis mo'y pamilyang puno ng pagmamahal

Bigay mo'y liwanag sa mga naliligaw

Bigay mo'y kalinga sa walang tahanan

Marami'ng bigay mo mahal na kalikasan



Ngunit tulad kong tao ang sisira sayo

ang kintal ng yong buhay, mawawala maglalaho

Sa tulong mong bigay, alay nmi'y di buho

mamamatay kang bigla, at di na mabubuo



Gawa ang naglagim, wika ang tutulong

Siyang iyong pananggalang at tagapagtanggol

kung mababahagi lang sa tulad kong ulupong

marapat alagaan kalikasa'y iusbong



kaya ikaw hudas sumabay ka sa agos

magbago kang bigla, mag-isip ng lubos

si inang kalikasang matagal ng hikahos

alagaa't isalba, ang lahi mong nauubos

PILANTIK NG AKING PANITIK

PILANTIK NG AKING PANITIK
ni JOYCE LAMILA JETOMO





Maraming mga ideya ang sa aki'y nagsusumiksik

Sangkatutak na panaghoy ang sa utak ko'y sumisingit

Sa hilatsa ng isip imahinasyon ko'y gumuguhit

Pumilantik ang panitik sa taludturang marikit.



Sa bawat pagpilantik kapalaluan ang ikinukubli

Piling katotohanan lamang ang aking hinuhuni

Datapwa't kredibilidad ko'y hindi nabibili

Sapagkat katalinuhan ang aking haligi.



Sa sandaling matuyo ang aking isipan

Lulunurin ko ito ng inspirasyon upang hindi matapakan

Muli itong maglalakbay sa talinhaga ng buhay

Susuyuin nito ang tunay nitong pagbubulay-bulay.



Hindi man ako isang pantas ngunit ako'y isang pangahas

Sinuyod ko ang daang malubak, masikip at maputik

Kahit na mga kritiko ang saki'y pumipilansik

Muli pa rin akong magsusulat sa muling pagpilantik ng akingpanitik.

"Pa'no magmahal muli?"

"Pa'no magmahal muli?"
sa panulat ni Bb. Jayen D. San Diego (BJ2-1N)


"sa pakikinig ng mga kanta,

sabayan pa ng pagka-makata,

ako'y nakalikha ng tula

na maibigan mo sana"







Pa'no magmamahal muli?

kung ang puso'y nasaktan noong huli.

Pa'no magmamahal muli?

kung hindi pa handa ang sarili.



Sa mga panahong nagdaan,

Puso'y nanatiling walang laman

Maliban sa sakit na dulot ng nakaraan

At isang kahapong kay hirap malimutan.



Pangarap na umibig at ibigin

Ay pinilit 'wag munang isipin

Dahil sarili'y kailangang hanapin

Nang ang iba'y matutunan akong tanggapin.



Mga bituin'y aking tiningala

Nagbaka-sakaling makakita ng hiwaga

Kaya't puso'y nagtanong at umasa

Nasa'n ang sa aki'y nakatadhana



Kung saan-saan na naghanap

Kasaguta'y sadyang kay ilap

Magmahal muli ay ganoon ba kahirap?

Magmahal at mahalin ba'y isa na lang pangarap?



May mga sandaling sarili'y 'di maintindihan

At puso't isipa'y naguguluhan

Tunay na nga ba ang nararamdaman

Dahil ito ay ayaw ng pakawalan



Kung ang puso'y handa na muling buksan?

Sana'y 'wag na uilt masaktan

Magmahal ay muling susubukan

Sana ito'y walang hanggan



Pa'no magmamahal muli?

Ikaw lang ang nais maging sanhi

Dahil nararamdama'y ayaw ng ikubli

Tanggap na sa sarili, ikaw lang ang nais mahalin muli.

"I would Breakaway!"

"I would Breakaway!"

sa panulat ni Jayen D. San Diego


"sa pakikinig ng mga kanta,

sabayan pa ng pagka-makata,

ako'y nakalikha ng tula

na maibigan mo sana"



NP (ngayo'y pinakikinggan) : "Breakaway" inawit ni Kelly Clarkson



Sa muling pagluha ng kalangitan

Labas ng bintana ang sinulyapan

Munting pangarap'y nabuo sa isipan

Imahinasyon ko ang aking kaharian



Tinig ay nais mapansin

Ngunit 'di nila kayang intindihin

Sa mundong ito'y nais tanggapin

Ngunit sarili, dito'y di kayang hanapin



Kaya't tanging nagawa'y magdasal

At humiling sa may kapal

Na dinggin ang tulad kong hangal

Na humihingi ng munting parangal



Pinakanais ay makalipad

Hanggang langit ay maabot ng palad

Lakas ng loob ay isasagad

Susubukang makuha ang hangad



Unti-unting lalabas sa kadiliman

Liwanag ang aking patutunguhan

Mga taong nagturo ng pagmamahalan

Kailanma'y di ko malilimutan



Kaya't gagawin ang lahat

Nang makuha, tagumpay na hangad

At sarili'y tuluyang mahagilap

Nang sa mundo, ako'y matanggap



Nais ko lang ay makalipad

Hanggang langit ay maabot ng palad

Lakas ng loob ay isasagad

Nang ang pangarap ko'y matupad

Pagpanaw

Pagpanaw
ni Carylee


Sa apat na sulok ng silid na ito

Nabubuhay ang kakaibang paraiso

Ang mga puno ng kalungkutan at batis ng kawalan

Ang siyang nagsisilbing permanenteng tahanan



Araw at gabi ang lumilipas

Bawat Segundo ang pagkupas

Kalungkutan ay kumakalat

Sa kasiyahan at pag-asa ay salat

Paano nga ba makakatakas sa silid ng mga sawing palad?



Pilitin mang pihitin ang pinto ng pag-amin

Nahaharangan pa ring nabubulag na pagtingin

Ilang oras ba ang kinakailangang patayin?

Upang ang nagtatagong tadhana ay singilin?

Multo sa aking tabi

Multo sa aking tabi
niRashiel Pabelico

Ano itong laging naka-dikit sa akin?
di magawang umiwas, nais akong sakupin
pilit man layuan, laging nadarama
Espiritu nya'y di na mapipigilan pa

Saan man ako dako magpunta,
pilit siyang nagpapakita
ako'y natakot nang siya'y lumapit
nasaktan sa mahigpit niyang kapit

pinikit ko ang aking mga mata
pinigil ko ang aking luha
humagugol ako sa labis na kalungkutan
sapagkat aking nakita, multo ng kahirapan..

Walang pamagat

Walang pamagat
ni Laika baby baby



Nakangiti syang humalik sa aking noo

sabay sabing "anak gumising na't tumayo"

dun sa masayang lugar pupunta tayo

kakain, magpapahinga't maglalaro



Sa aming pagbaba, tanawing maganda

masayang paligid at kahali-halina

ang bawat anak na may ngiti at tawa

samantalang pag-ibig kay ina at ama



Sa ilalami ng maberde't mabangong kakahuyan

kami ay kumain at nagkakwentuham

si ama umangat sa pinagtatrabahuhan

samantalang si ina, bayad na sa utang



Sa tayog ng arae na pagkatirik tirik

masaya na akong pamilya ko'y hitik

sa pagmamahalang walang kapalit

buo na't matatag, masaya't walang bahid



Sa pamilyang tulad niyan kay sarap sumali

ngunit katotohanan pa rin ang saksi

masakit tanggaping paggising ikukubli

kabaligtaran lang ang lahat ng nangyari

YARI KA!

YARI KA!

by Maria Kristina V. Dario



Bago umalis ng iyong bahay ay mag isip-isip na muna,

At baka kung "anung meron" sa iyong bag ay makita.

Si Manong guard nasa gate ay nakabantay,

Kung mag-inspek, alikabok lang ang walang latay.



Ang mga tsinelas ay itago na,

Pagkat bawal sa Eskwelehan ang nakalabas ang paa.

Kahit ang tinidor sa iyong baon ay kalimutan na,

At baka ang nangangapa ay matusok pa.



Wag mong kalimutan ilawit ang iyong I.D

Na kung baga sa Diyosa, 'yan ay brilyante.

Iwasan ring magkamali sa pagsuot ng sapatos,

Pagkat kung di 'yan itim, tiyak may babatikos.



Kabi-kabila man ang ipinagbabawal sa atin,

Ay hindi natin dapat babalewalin,

Ang gusto lang naman ng pamunuan, tayo'y maging handa.

Sa tamang pagporma, pagkilos at paggawa.

YARI KA!

YARI KA!

by Maria Kristina V. Dario



Bago umalis ng iyong bahay ay mag isip-isip na muna,

At baka kung "anung meron" sa iyong bag ay makita.

Si Manong guard nasa gate ay nakabantay,

Kung mag-inspek, alikabok lang ang walang latay.



Ang mga tsinelas ay itago na,

Pagkat bawal sa Eskwelehan ang nakalabas ang paa.

Kahit ang tinidor sa iyong baon ay kalimutan na,

At baka ang nangangapa ay matusok pa.



Wag mong kalimutan ilawit ang iyong I.D

Na kung baga sa Diyosa, 'yan ay brilyante.

Iwasan ring magkamali sa pagsuot ng sapatos,

Pagkat kung di 'yan itim, tiyak may babatikos.



Kabi-kabila man ang ipinagbabawal sa atin,

Ay hindi natin dapat babalewalin,

Ang gusto lang naman ng pamunuan, tayo'y maging handa.

Sa tamang pagporma, pagkilos at paggawa.

PANANABIK

PANANABIK

ni Maria Kristina V. Dario



Magdamag na akong naghihintay sayo

Maga na ang mga mata, naghihintay na datnan mo

Dating sigla ako'y di na halos bumalik

Umaasang sa gabing ito'y magwawakas na ang pananabik.



Lahat na yata ng posisyon ay akin ng nagawa

Patayo, paluhod,patuwad at padapa,

Humiga na ako sa sahig nagpatirapa

Ngunit walang saysay pala kung ika'y wala.



Kailan ka ba babalik upang punan aking pangangailangan

Bawat gabi ako'y kulang nang ako'y iyong lisan

Ayoko namang sa yosi't alak ay pamisan

Oh, antok, ikaw ba'y nasan? Insomia, ako'y iyo nang iwan!

My RC Tan

My RC Tan

(ito po ay aking dinededicate sa pinakamamahal kong BF :] , oh diba ang landi ko)
ni Elaine R. Ramos



Araw-araw gusto kang kasama

It's like you are my own mama

You are lovable, caring and thoughtful

At alam kong, I love you among them all.



Pustiso ka nga bang talaga?

Kung wala ka kasi, hindi makangiti ng sobra.

I love my RC, sabi nga ni Maja

Selos ako. Pati artista gusto ka.



Love never needed to be so blind,

Kasi destiny will make a way to make us bind.

Sayo kaya ay hindi ako nabulag

Pero nang nakita ka, panti ko ay nalaglag. :)



Sa online shop, I will never put you to bid,

Pagmamahal mo kasi ay walang patid.

Para na rin pala kitang kapatid,

You are always there to be with.



I don't sing pero lagi tayong duet,

Hind isa pagkanta kundi sa pagiging makulit

Kapag kasama ka laging sira ang diet,

Ok lang pala, basta ba lagi mong treat e.



Pasensya kung marami akong crush

Sa beauty pageant ikaw naman ay ang aking sash.

You are my one and only love

Kaya ikaw ay aking iniingatan, babz :)



Kung sakaling ang puso ko ay dalawa,

Ang isa ay para mahalin ka

At ang natitira ay para mas mahalin ka

Sa akin, ganyan ka kahalaga.



Alam mo mahal na mahal kita,

Kulang na lang pakasalan ka.

What if, marry me na kaya?

I think it would be very masaya.