IISANG MUNDO..

IISANG MUNDO..

Regine L. Granadozin




Nais kong damhin malinis na hangin

At sa linis ng tubig gusto kong manalamin

Nais ko ring umakyat sa mga puno natin

Upang kumuha ng bungang makakain



Pero hanggang pangarap na lamang ito

Kung tayo ay di na matututo

Sapagkat wagas na pagmamahal ang ating kailangan

Upang maruming kapaligiran ay masolusyunan



Mga dumi sa hangin ay gawa ng tao

Di natin pinapansin at di binabago

Malimit na pagkakasakit ng karamihan

Polusyon rin ang madalas na dahilan



Mga puno ay unti- unting nawawala

At mga kabundukan ay nakakalbo na

Pati mga dagat ay tinatapunan ng basura

Kelan kaya tayo matatauhan ng kusa?



Lahat tayo saan tatakbo,

Kung mawawala pa ating iisang mundo?

Atin ng buhayin kapaligirang nawasak natin

Na bigay ng Poong Maykapal sa atin.