PAGLISAN, DI SADYA

"PAGLISAN, DI SADYA"
Ma.Victoria B. Garcia



Noong araw na nakilala kita

Tumibok ang puso sa’yo aking sinta

Hindi mawari aking nadarama

Sana ito’y iyong nakikita



Masaya ako tuwing kasama kita

Malungkot ako kapag ika’y wala

Sa tabi ko sana’y laging narito ka

Upang ang araw ko’y laging maligaya



Dumating ang araw na ako’y iyong sinaktan

Wala akong ginawa kundi umiyak ng lubusan

Hindi ko alam kung ano nga bang dahilan

Nang hindi sinasadyang iyong paglisan



Bakit nga ba ako’y iyong iniwanan

Ano bang nagawa upang ako’y iyong saktan?

Mahirap tanggapin ang katotohanan

Na ako’y iyong linisan kung saan



Sinabi mo sa aking Mahal mo ako

Ngunit sinabi mo ring “aalis na ako”

Hindi mo sinasadyang saktan ako

Ngunit sa ginawa mo, durog ang aking puso



Masakit isiping wala ka na sa akin

Ngunit ito’y kailangang kong tanggapin

Na sa iyong paglisan kailangang kayanin

Upang itong aking puso’y hindi mailibing.