Aruga
by:
Christian I. Sierra
Pagmulat ng mata sa umaga
Tinig mo'y hinahanap sa t'wina
Haplos ng kamay na may mahika
Sakit ay nawala na parang bula
Tila isa kang hulog ng langit
Bigay na regalo ng Diyos sakin
Payo at turo ginawang awit
Walang sawa't tigil sa pagsambit
Minsan nagkamali at nabulag
Masamang bisyo, laging hinanap
Ngunit hinabol ako't niyakap
Mga salita'y nagbigay liwanag
Liwanag sa daang tinahak ko
Hindi iniwan saan man dako
Magandang buhay iyong plinano
Nais lamang mabuhay ng wasto
Salamat, salamat oh, Inay
Pagmamahal mong walang papantay
Bitbit lagi ang turo at gabay
Aking aalahanin habang buhay
Tunay na pag-aaruga, kay Inay nga naman talaga makakamtan. Magaling ang pagkakagawa sa akda. :)
ReplyDeletehuwag baliwalain ang turo ng mga magulang dahil magagamit rin ito balang araw.
ReplyDeleteAng magulang ang nagsisilbing gabay sa atin. Tunay ngang hindi mapapantayan ang kanilang pagmamahal.
ReplyDeleteWalang makakatumbas sa pagmamahal ng isang ina. Napakagandang mensahe ang naipahayag sa tluang ito.
ReplyDeleteMahusay. May makabuluhang mensahe para sa lahat.
ReplyDeleteWalang katulad at iba nga talaga ang pagmamahal ng isang ina kaya nararapat lamang na suklian natin ang ibinigay nilang pagmamahal at pag-aaruga sa atin.
ReplyDeleteTulad ng isang ilaw sa tahanan ang gabay sa atin ni ina. Sila ang makakasama mo sa kasiyahan o kalungkutan man.. na sa piling nila ay di ka kailanman malulumbay.
ReplyDeleteUtang natin ang lahat kay Inay. Dapat lang na pasalamatan. Ating suklian ng pagmamahal. :)
ReplyDeleteKahit na nakagagawa tayo ng mga kasalanan na maaaring ikasama ng loob ng ating mga magulang, hindi pa rin mahihigitan ng mga bagay na iyon ang pagmamahal nila para sa atin.
ReplyDeleteAting mahalin ang ating magulang pagkat sila ang dahilan kung bakit tayo nabubuhay.
ReplyDeleteIna. Isang makabuluhang salita. Siya lang ang nagbibigay ng aruga na hindi mo mahahanap sa iba. Napakagandang mensahe, mga ina ay talagang dapat ipagmalaki.
ReplyDeleteAng ating mga ina ang nagsisilbing ilaw ng tahanan. Magandang paalala ang naturang akda para sa kabataan. Huwag sana nating kalimutan ang mga pangaral ng ating mga mapagmahal na ina. Mabuhay ang ating mga nanay!
ReplyDeleteTunay ngang walang tatalo sa ating mga ina. Hindi matutumbasan ng kahit anong halaga sapagkat ang magkaroon ng tulad nila ay isang napakalaking kayamanan na. Dapat na ipagpasalamat sa Diyos at ipagmalaki. Magandang pagpupugay para sa kanila ang akdang ito :)
ReplyDeleteWalang katulad ang pagmamahal at pagaaruga sa atin ng ating ina. Hindi niya tayo hahayaan mapariwara. Lagi siyang nariyan para tayo ay gabayan.
ReplyDeleteNapakaswerte mo sapagkat may magulang kang gumagabay sa iyo. Patuloy kang minamahal at inilalayo sa masasamang bisyo. Kaya't sila'y iyong pahalagahan at pakinggan, dahil ang mga magulang mo lang ang tangi mong matatakbuhan.
ReplyDeleteAng mga payo ng ating mga magulang ay huwag kalilimutan pagkat ito ay magagamit natin habambuhay, maituturo din natin ito sa mga susunod pang henerasyon.
ReplyDeleteTunay na walang makakapantay sa pagmamahal ng isang ina. Walang kahit ano mang bagay ang maihahambing sa kanya. Hindi ka niya kailanman pagtataksilann dahil tanging magagandang hangarin ang gusto niya para sa iyo. Ikaw ay sadyang hndi niya iiwanan, kahit ano man ang mangayari.
ReplyDeleteAng ating mga ina'y mahalin at pahalagan. Iisa lamang sila at tunay na walang makakapantay.
ReplyDeletewlang kapantay ang pagmamahal ng ina sa kanyang anak... buhay man handang ibigay para sa munting mahal.
ReplyDeleteWalang makahihigit sa ating mga ina.
ReplyDeleteTunay ngang ang pagmamahal ng isang ina ay walang pasubali. Kahit magkamali ka ng paulit ulit ay tatanggapin ka parin niya kahit anong mangyari—hindi ka niya ipagtatabuyan at itatakwil sa halip ay pangangaralan ka pa niya at ituturo ang tamang landas. Kaya mahalin natin ang ating mga nanay. ♥
ReplyDeleteWala talagang hihigit na pagmamahal sa pag-ibig ng isang Ina. Tunay silang ilaw ng ating tahanan. :)
ReplyDeleteWalang anumang akda ang papantay sa isang akdang sa magulang inaalay. Hindi lang basta ilaw ng tahanan ang mga nanay bagkus ay mga haligi na rin paminsan-minsan sa ilang mga pagkakataong kinakailangan.
ReplyDeleteTulad mo ako'y may ganito ring tula na iniaalay sa aking Ina. At tunay na dapat lamang silang pasalamatan sa lahat ng kanilang mga ginawa at patuloy na ginagawa para sa atin.
ReplyDeletehangga't may oras at pagkakataon pa tayo ay magpasalamat na tayo sa kanila. at wag kakaligtaang ipakita at iparamdam kung gaano natin sila kamahal. :)
ReplyDeleteWagas na pagmamahal <3 Lahat ng anak ay nagsasabing nanay nila ang pinakamapagmahal, mabait, matiyaga. At walang nagkamali sa kanila. :) Kakaiba at walang katulad ang pagmamahal ng isang ina. Walang katumbas. Walang kasing tamis. Tunay.
ReplyDeleteSalamat sa munting paalala.