Lazada

Monday, June 14, 2021

Gawad Julian Cruz Balmaseda 2022

 Sumali sa Gawad Julian Cruz Balmaseda 2022

Alam mo bang maisusulat mo sa wikang Filipino ang iyong tesis/disertasyon sa iyong pinagdadalubhasaang disiplina?

Pinagtibay ng KWF ang Kapasiyahan ng Kalupunan ng mga Komisyoner Blg. 18-25, s. 2018 na nagtatakda ng paggamit ng wikang Filipino bilang wika ng mga saliksik sa agham, matematika, at humanidades!

Alam mo bang maaari kang magwagi ng PHP100,000 sa paggamit mo ng wikang Filipino sa iyong tesis/disertasyon?

Ukol sa Gawad

Ang Gawad Julian Cruz Balmaseda ay ang pinakamataas na pagkilála na handog ng KWF para sa natatanging tesis at disertasyon sa agham, matematika, agham panlipunan, at iba pang kaugnay na larang gamit ang wikang Filipino.

Layunin nitó na hikayatin at palaganapin, sa pamamagitan ng sistemang mga insentibo, grant, at gawad, ang pagsusulat at publikasyon sa Filipino at ibang mga wika ng Filipinas ng mga akdang orihinal, kabilang ang mga teksbuk at sangguniang materyales sa iba’t ibang disiplina.

May dalawang kategorya ang gawad: (1) tesis at (2) disertasyon. May isang magwawagi lámang sa bawat kategorya. Maaari ring walang tatanghaling magwawagi sa alinmang kategorya.

Nagsimula ang gawad noong 2015 at nakapagtala ng anim na nagwagi: Marlon S. Delupio, disertasyon sa kasaysayan (2015); Gilbert Macarandang, disertasyon sa agham pampolitika at Roman Sarmiento Jr., tesis sa kasaysayan (2016); Lovela Velasco, disertasyon sa panitikan, at Christian Ezekiel Fajardo, tesis sa komunikasyon (2017);  Emmanuel De Leon, disertasyon sa pilosopiya (2018); Wenilyn Fajilan, disertasyon sa pagsasalin (2019); at Regina Starr, tesis sa musika at panitikan (2020).

Makatatanggap ng halagang PHP100,000 (net) at isang plake ng pagkilála ang magwawagi sa mga kategorya ng naturang gawad. Lahat ng kopya ng mga lahok, nanalo man o natalo, ay hindi na ibabalik sa mga kalahok. Angkin ng KWF ang unang opsiyon na mailathala ang mga nagwaging lahok nang walang royalti sa may-akda.

Tuntunin sa Paglahok

  1. Ang Gawad Julian Cruz Balmaseda ay ang pinakamataas na pagkilála na handog ng KWF para sa natatanging tesis at disertasyon sa agham, matematika, agham panlipunan, at ibá pang kaugnay na larang gamit ang wikang Filipino.
  2. Bukás ito sa lahat ng mga estudyante, babae man o laláki, sa antas gradwado (masteral at doktorado), maliban sa mga empleado ng KWF at kanilang mga kaanak.
  3. Ang ilalahok na tesis at/o disertasyon ay naipagtanggol at naipasá sa mga taóng 2019 hanggang 2021.
  4. Kinakailangan itong isulat bílang kahingian sa mga kursong may kaugnayan sa agham, matematika, agham panlipunan, humanidades, at sa ibá pang kaugnay na larang.
  5. Kailangang orihinal na isinulat at ipinagtanggol sa Filipino ang lahok, orihinal na gawa ng may-akda, hindi pa nailalathala bílang aklat, at hindi rin salin mulâ sa ibang wika.
  6. Marapat na gamítin ang KWF Manwal sa Masinop na Pagsulat (MMP) bílang format sa pagsulat ng talababa, talasanggunian, at ibá pa.
  7. Para sa paglahok, kinakailangang isumite ang sumusunod:

·          

    • apat (4) na limbag na kopyang makinilyado o computerized (hardcopy). Ang kopya ng mga lahok ay kinakailangang walang taglay na anumang pagkakakilanlan ng may-akda. Nangangahulugan ito ng pag-aalis ng mga preliminaryong pahina ng tesis at disertasyon na nagtataglay ng pagkakakilanlan ng may-akda. Tanging pamagat ng tesis/disertasyon at sagisag-panulat lámang ang pahihintulutang nakalimbag sa manuscript
    • Pormularyo sa Paglahok
    • curriculum vitae ng may-akda;
    • notaryadong awtentipikasyon ng lahok;
    • notaryadong katibayan ng etikong pananaliksik (walang plahiyo) na nilagdaan ng tagapayo;
    • rekomendasyon mulâ sa dalawang propesor sa kinabibilangang larangan;
    • rekomendasyon mulâ sa tagapangulo ng kinabibilangang departamento;
    • rekomendasyon mulâ sa dekano/a ng kinabibilangang kolehiyo
    • Ang mga preliminaryong pahina ng tesis/disertasyon, gaya ng katibayan ng pagsang-ayon, tungkol sa mananaliksik o bionote, pasasalamat, pag-aalay, pahina ng grado at ebalwasyon, at ibá pang katulad ay maaari nang tanggalin.

Ang pormularyo, curriculum vitae, notaryadong dokumento, liham rekomendasyon, at preliminaryong pahina ay nakalagay sa bukod na selyadong brown envelope.

  1. Ang lahok ay maaaring ipadala sa koreo sa:

Lupon sa Gawad Julian Cruz Balmaseda
Komisyon sa Wikang Filipino
2/P Gusali Watson, 1610 Kalye J.P. Laurel
San Miguel, Maynila

  1. Ang hulíng araw ng pagsusumite ng lahok ay sa 15 OKTUBRE 2021, 5:00 nh. Hindi na mauurong ang araw ng pagsusumite.
  2. Ang mga magwawagi sa kategorya ng (1) tesis at (2) disertasyon ay makatatanggap ng PHP100,000.00(net), plake, at medalya. May isang magwawagi lámang sa bawat kategorya. Maaari ring walang tatanghaling magwawagi sa alinmang kategorya.
  3. Ang pasiya ng Lupon ng Inampalan ay pinal at hindi na mababago.
  4. Hindi patatawarin ang sinumang mahuhúli nagplahiyo. Kakanselahin ng KWF ang ipinagwaging lahok at hindi na muling makasasali pa sa alinmang timpalak ng KWF.
  5. Pára sa karagdagang detalye, tumawag o mag-text sa 0928-844-1349, o mag-email sa timpalak.gawad@kwf.gov.ph
#gawadjuliancruzbalmaseda2022
#Buwan ng Wika 2021


Lumahok sa Sanaysay ng Taón 2021!

 Lumahok sa Sanaysay ng Taón 2021!

 Inaanyayahan ang lahat na lumahok sa Sanaysay ng Taón! Bukod sa titulong Mananaysay ng Taon 2021, may naghihintay na PHP30,000.00 sa magwawagi ng unang gantimpala sa taunang timpalak ng KWF.


Tuntunin

  1. Ang Sanaysay ng Taón ay taunang timpalak ng KWF na naglalayong himukin ang mga natatanging mananaysay ng bansa na ilahok ang kanilang mga akda.
  2. Bukás ang timpalak sa lahat, maliban sa mga kawani ng KWF at kaniláng kaanak.
  3. Ang paksa ng sanaysay ay pagtalakay sa saliksik hinggil sa kahalagahan at tungkulin ng wika sa paghubog ng kasaysayan ng Filipinas at kulturang Filipino.
  4. Kailangang nása wikang Filipino ang lahok, orihinal, hindi pa nailalathala, at hindi rin salin mulâ sa ibáng wika. Marapat na hindi ito magkukulang sa 15 páhiná at hindi rin sosobra sa 30 páhiná.
  5. Bílang saliksik, kailangang sumusunod ang paraan ng pagsulat nitó sa mga tuntuning nakasaad sa KWF Manwal sa Masinop na Pagsulat.
  6. Para sa onlayn na paglahok, ihanda ang sumusunod (soft copy) at magtungo sa link na ito: https://forms.gle/YPk3pjvUB3ejzFYGA
    • Kopya ng kompiyuterisadong lahok (.doc format). Gagamitin ang font na Arial 12 pt, single spaced sa A4 size (bond paper) na may palugit na isang (1) pulgada sa itaas, ibabâ, at gílid. Kung makinilyado ang lahok, i-scan at isumite na naka-pdf format.
    • Kinakailangang magtataglay lámang ng sagisag-panulat (pen name) at walâng kahit anong pahiwatig ng tunay na pangalan ng kalahok.
    • Kasáma ng lahok, isumite ang sumusunod na naka-pdf format: (1) notaryo na nagpapatunay na orihinal ang lahok (2) entri form; (3) curriculum vitae at/o bionote; (4) 2×2 retrato ng kalahok (.jpeg format); at (5) kopya balidong ID.
  7. Pára sa pagsusumite ng lahok sa pamamagitan ng koreo, sa isang long brown envelop ilagay ang sumusunod:
    • apat (4) na kopyang makinilyado o kompiyuterisadong lahok (Font 12, Arial), may dobleng espasyo, at may isang pulgadang palugit sa bawat gílid na nakaimprenta sa bond paper na sukat na A4.
    • Softcopy (.doc fomat) ng lahok na nasa CD o USB
    • Kinakailangang magtataglay lámang ng sagisag-panulat (pen name) ang ipinadalang entri at walâng kahit anong pahiwatig ng tunay na pangalan ng kalahok.
    • Notaryo na nagpapatunay na orihinal ang lahok
    • entri form
    • curriculum vitae at/o bionote ng kalahok
    • 2×2 retrato ng kalahok
    • photocopy ng balidong ID

ipadalá ang lahok sa koreo sa:

Lupon sa Sanaysay ng Taon 2021
Komisyon sa Wikang Filipino
2/P Gusali Watson, 1610 Kalye J.P. Laurel
San Miguel, Maynila

  1. Ang hulíng araw ng pagsusumite ng lahok ay sa 28 HUNYO 2021, 5nh. Hindi na mauurong ang araw ng pagsusumite.
  2. Pára lahok na ipinadalá sa koreo, magpapadalá ang KWF ng mensahe (text) kung natanggap na ang lahok. Kalakip din nitó ang gagamiting entri code at link ng online form pára sa registri ng mga kalahok. Bukás ang online registry hanggang 30 HUNYO 2021, 5nh lámang.
  3. Ang mga gantimpala ay ang sumusunod:

Unang gantimpala, PHP30, 000.00 at karangalang maging “Mananaysay ng Taón”, medalya, at plake;
Pangalawang gantimpala, PHP20,000.00 at sertipiko
Pangatlong gantimpala, PHP15,000.00 at sertipiko

  1. Ang pasiya ng Lupon ng Inampalan ay pinal at hindi na mababago.
  2. Hindi patatawarin ang sinumang mahuhúling nagplahiyo. Kakanselahin ng KWF ang ipinagwaging lahok at hindi na mulîng makasasáli pa sa alinmang timpalak ng KWF.
  3. Pára sa karagdagang detalye, mag-text o tumawag sa 0928-844-1349, o mag-email sa timpalak.gawad@kwf.gov.ph.
#lumahokasanaysayngtaón2021
#buwanngwika2021



Kampeon ng Wika 2021, bukás na sa mga nominasyon!

 

Kampeon ng Wika 2021, bukás na sa mga nominasyon!

INAANYAYAHAN ang lahat na magpasa ng mga nominasyon para sa KWF Kampeon ng Wika, isang pagkilala para sa mga indibidwal o pangkat na nag-ambag sa pagpapaunlad at pagtataguyod ng Filipino at mga wika ng Filipinas.

Ang Kampeon ng Wika ay ang taunang parangal na ibinibigay ng KWF sa mga natatanging indibidwal, institusyon, o samahan na patuloy na bumubuhay at aktibong lumalahok sa pagtataguyod at preserbasyon ng wikang Filipino at mga katutubong wika ng Filipinas sa iba’t ibang larangan o disiplina.

Ang mga ginawaran ng parangal na ito ay sina Gov Vilma Santos-Recto at Cristy Fermin noong 2013, Alicia Magos, Eliza Uy-Grino, at Leoncio P. Deriada noong 2014; Merlie Alunan, Elvira B. Estravo, Rosa Maria Magno, Gloria I. Alday, Ma. Laarni L. Cayetano, at Lungsod Muntinlupa noong 2015; Resil Mojares, Fortunato B. Sevilla III, Noriam H. Ladjagais, Atty. Cesar Kilaton Jr., Adelino Sitoy, Dr. Erlinda Alburo, Rev. Fr. Immanuel Sison Escano, Orlando B. Magno, Jimmy B. Fong, at Serafin V. Cuevas noong 2016; Rafael A. Banzuela, Jr, Fr. Wilmer Joseph S. Tria at John E. Barrios noong 2017; Lucena P. Samson noong 2018; at Galileo S. Zafra, Mario I. Miclat, Joaquin Sy, at Dr. Michael M. Coroza noong 2019;

Tuntunin sa Paglahok

Ang Kampeon ng Wika ay mataas na pagkilála sa mga indibidwal o pangkat na nag-ambag sa pagpapaunlad at pagtataguyod ng Filipino at mga wika ng Filipinas.

Bukás ang nominasyon sa mga indibidwal—laláki man o babae—samahán, tanggapan o institusyon, at mga ahensiyang pampamahalaan o pribadong sektor na may natatanging ambag o nagawa túngo sa pagsusulong, pagpapagalaganap, pagpapayabong, at preserbasyon ng alinman sa mga katutubong wika sa Filipinas sa ibá’t ibáng larang at disiplina.

Para sa mga indibidwal, kinakailangang may gulang na hindi bababâ sa apatnapung (40) taon. Para sa mga samahán, tanggapan, ahensiyang pampamahalaan, at/o pribadong sektor, kinakailangang naestablisa nang hindi bababâ sa limáng (5) taon.

Mayroong katipunan ng mga akda o gawaing nakapag-ambag sa alinman sa mga katutubong wika sa iba’t ibang larang at/o disiplina. (Kinakailangang ilakip sa nominasyon bílang pruweba.)

Ang mga nominado ay marapat na manggaling sa rekomendasyon ng indibidwal o pangkat.

Pára sa onlayn na nominasyon, ihanda ang lahat ng softcopy (.pdf format) at magtungo sa link na ito: https://forms.gle/RBH5HuoGYpqDSYSj

Liham nominasyon na nagsasaad ng buod ng kalipikasyon ng nominadong indibidwal o samahán at nilagdaan ng nagnomina;

Curriculum vitae (kung indibidwal) o profayl ng organisasyon (kung samahán);

Mga pruweba sa katipunan ng mga akda o gawaing nakapag-ambag sa wikang Filipino at/o alinmang katutubong wika sa bansa; at

Balidong ID ng nagnomina (.jpeg format)

Pára sa nominasyon na ipadadala sa koreo, ilakip sa isa o higit pang long brown envelop ang lahat ng dokumento (hardcopy) na nakasaad sa bílang 6 at ipadalá sa:

Lupon sa Dangal ng Wikang Filipino 2021

Komisyon sa Wikang Filipino

2/P Gusali Watson, 1610 Kalye J.P. Laurel

San Miguel, Maynila

 

Ang hulíng araw ng pagpapása ng nominasyon ay sa 30 HUNYO 2021, 5:00 nh.

Ang tatanghaling Kampeon ng Wika 2021 ay tatanggap ng naturang gawad sa Pammadayaw: Araw ng Gawad sa 27 Agosto 2021.


# kampeonngwika2021

#buwanngwika2021




Buwan ng Wika 2021

 

DANGAL NG WIKA 2021, Bukás na para sa nominasyon!

Ang Dangal ng Wikang Filipino ay mataas na pagkilála sa mga indibidwal, samahán, tanggápan, institusyon, o ahensiyang pampamahalaán o pribadong sektor na may natatanging ambag o nagawa túngo sa pagsusulong, pagpapalaganap, pagpapayabong, at preserbasyon ng wikang Filipino.

  1. Bukás ang nominasyon sa mga indibidwal, samahán, tanggápan o institusyon, at mga ahensiyang pampamahalaán o pribadong sektor na may natatanging ambag o nagawa túngo sa pagsusulong, pagpapagalaganap, pagpapayabong, at preserbasyon ng wikang Filipino sa ibá’t ibáng larang at/o disiplina.
  2. Pára sa mga indibidwal, kinakailangang may gulang na hindi bababâ sa apatnapung (40) taón. Pára sa mga samahán, tanggápan, ahensiyang pampamahalaán, at/o pribadong sektor, kinakailangang naestablisa nang hindi bababâ sa limáng (5) taón.
  3. Mayroong katipunan ng mga akda o gawaing nakapag-ambag sa wikang Filipino sa ibá’t ibáng larang at disiplina. (Kinakailangang ilakip sa nominasyon bílang pruweba).
  4. Ang mga nominado ay marapat na manggaling sa rekomendasyon ng indibidwal o pangkat mulâ sa labas ng KWF.
  5. Pára sa onlayn na nominasyon, ihanda ang lahat ng softcopy (.pdf format) at magtungo sa link na ito: https://forms.gle/Ay4wDFxEVsYKxqnSA : (1)KWF Pormularyo sa Nominasyon; (2) Liham nominasyon na nagsasaad ng buod ng kalipikasyon ng nominadong indibidwal o samahán at nilagdaan ng nagnomina; (3) Curriculum vitae (kung indibidwal) o profayl ng organisasyon (kung samahán); at (4) Mga pruweba sa katipunan ng mga akda o gawaing nakapag-ambag sa wikang Filipino at/o alinmang katutubong wika sa bansa.
  6. Pára sa nominasyon na ipadadala sa koreo, ilakip sa isa o higit pang long brown envelop ang lahat ng dokumento (hardcopy) na nakasaad sa bílang 6 at ipadalá sa:

Lupon sa Dangal ng Wikang Filipino 2021
Komisyon sa Wikang Filipino
2/P Gusali Watson, 1610 Kalye J.P. Laurel
San Miguel, Maynila

  1. Ang hulíng araw ng pagpapása ng nominasyon ay sa 30 HUNYO 2021, 5nh.
  2. Ang tatanghaling Dangal ng Wikang Filipino 2021 ay tatanggap ng naturang gawad sa Pammadayaw: Araw ng Gawad sa Agosto 2021.
  3. Pára sa ibá pang detalye, mangyaring tumawag o mag-text sa 0928-844-1349, o magpadalá ng email sa Sangay ng Edukasyon at Networking sa timpalak.gawad@kwf.gov.ph.
#dangalngwika
#buwanngwika2021


Wednesday, April 14, 2021

College Admission Evaluation of PUP (CAEPUP) iApply is now open until April 30, 2021

 ADVISORY 17 S 2021

FOR STA. MESA CAMPUS APPLICANTS ONLY
Please be informed that the College Admission Evaluation of PUP (CAEPUP) iApply is now open until April 30, 2021 for the REMAINING AVAILABLE ACADEMIC PROGRAMS. Applicants are advised to FINALIZE their applications on or before April 30, 2021 on a FIRST-COME-FIRST-SERVED BASIS. Please check your CAEPUP account regularly for the status of your application.
For admission schedule of other branches and campuses, please check this page and PUP’s website regularly.

Tuesday, March 9, 2021

Senior High School (SHS) of Polytechnic University of the Philippines

 

Senior High School (SHS)


The Polytechnic University of the Philippines will accept applicants for Senior High School Grade 11 for Academic Year 2021-2022.

Schedule of Online Registration: March 9-31, 2021

PUPSHS enrollment is on a FIRST-COME-FIRST-SERVED BASIS and SUBJECT TO THE AVAILABILITY OF SLOTS.

After your online registration, the PUPSHS will evaluate your documents. Please be guided accordingly.

General Requirements

Students who are currently in the DepEd K-12 program and are expected to move up to SHS this school year may be admitted in the Polytechnic University of the Philippines Senior High School (PUP-SHS) based on the following:

  1. Grade 10 grades
  2. Submission of required documents (see specific requirements)
  3. Result of the assessment and interview

Specific Requirements

Please prepare the following documents before your scheduled date of interview:

  1. Accomplished Application Slip (to be downloaded from this page after the assessment of your online registration)
  2. Two (2) pieces 2x2 inch. recent picture with white background and applicants’ name tag at the chest
  3. Original copies of the following documents:
    • Form 138 (Grade 10)
    • PSA Birth Certificate
    • Certificate of Good Moral Character
  4. Photocopy of Certificate of Completion
  5. Place in clean, long brown envelope with Surname, Given Name and Middle Initial written on the upper left hand corner of the envelope.
  6. LRN (Learner’s Reference Number) must be indicated in the Report Card and Certificate of Completion
  7. ESC (Educational Service Contracting) or QVR (Qualified Voucher Recipient) is a MUST for applicants coming from private schools
  8. Chest X-Ray (film and result)

Grade Requirements

  • ENGLISH, MATH AND SCIENCE must be 85% and above
  • General Average must be 85% and above
  • No grade below 82% in other subjects

Admission Policy

The following are University policies regarding admission into the PUPSHS:

  1. Applicants seeking admission must comply with the GENERAL, SPECIFIC and GRADE requirements given by the University.
  2. Applicants shall be subjected to assessment and interview to be administered by the University.
  3. Admission to PUPSHS is granted to qualified applicants with definite understanding that the student and his/her parents/guardian agree to comply with the rules and regulations of the University
  4. PUPSHS is on a FIRST-COME-FIRST-SERVED basis, subject to availability of slots.

Tracks and Strands

  • Academic Track
    • Science, Technology, Engineering and Mathematics (STEM) Strand
    • Accountancy, Business and Management (ABM) Strand
    • Humanities and Social Studies (HumSS) Strand
  • Arts and Design Track
  • Technical, Vocational and Livelihood Track
    • Information and Communications Technology

Inquiries

For other PUPSHS-related inquiries, please call:

Office of the Senior High School Principal
Telephone Number: 5335-1721 or 5335-1787 local 356




Online Registration

Please make sure you have the following documents ready for uploading during your online registration:

  • Scanned photo of the applicant (JPEG file, read photo guidelines)
  • Scanned Grade 9 Report Card / F137 (JPEG file)
  • Scanned Grade 10 Report Card (JPEG file, 1st and 2nd grading periods)
  • Report Cards MUST CLEARLY show the applicant's complete name, LRN, grades in English, Math, Science and General Average
  • Each JPEG file size must not be more than 300 kilobytes (KB)
  • Active and correct email address of the applicant

Monday, March 1, 2021

Sumali na sa Tula Táyo 2021

 Sumali na sa Tula Táyo 2021

Ang Tula Táyo ay isang online na timpalak sa pagsulat ng katutubong tula na itinataguyod ng Komisyon sa Wikang Filipino para sa Buwan ng Panitikan ng Filipinas. Para sa edisyong 2021, bukás ang timpalak sa mga dalít, diyona, at tanaga na nakasulat sa wikang Filipino pumapaksa sa kasalukuyang danas sa pandemya at tema ng Buwan ng Panitikan 2021.

 Mga Tuntunin

 

1. Ipapaskil ang mga tula—diyona, dalít, o tanaga—sa seksiyon ng mga komento sa nakatalagang poster para sa bawat anyo ng tula. Susundin ang sumusunod na iskedyul para sa pagpapaskil:

 1–5 Marso 2021 Dalít

8–14 Marso 2021 Diyona

15–21 Marso 2021 Tanaga

 2. Magiging opisyal ang mga lahok kapag ipinaskil ito sa seksiyon ng komento ng partikular na poster para sa anyo na matatagpuan sa page ng Komisyon sa Wikang Filipino.

 3. Tatanggap ng mga orihinal na tula na nakasulat sa wikang Filipino. Maaaring gawing tema ang kasalukuyang danas sa pandemya at ang tema ng Buwan ng Panitikan ng Filipinas na “Limandaang Taon ng Pagsulat sa Kalibutang Filipino.”

 4. Kikilalanin ang mga nagsipagwagi sa Araw ni Balagtas sa 2 Abril 2021. May nakalaang limandaang piso (PHP500.00) sa sampung magwawagi para sa bawat anyo.

 5. Pinal at hindi na mababago ang magiging pasiya ng mga hurado sa timpalak.