Buwan ng Wika 2026

 Tema ng Buwan ng Wika 2026

“𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐚𝐭 𝐀𝐈: 𝐊𝐚𝐬𝐚𝐧𝐠𝐤𝐚𝐩𝐚𝐧 𝐬𝐚 𝐏𝐚𝐧𝐚𝐧𝐚𝐥𝐢𝐤𝐬𝐢𝐤 𝐚𝐭 𝐓𝐮𝐥𝐚𝐲 𝐬𝐚 𝐘𝐚𝐦𝐚𝐧 𝐧𝐠 𝐈𝐦𝐩𝐨𝐫𝐦𝐚𝐬𝐲𝐨𝐧.”

𝐆𝐀𝐖𝐀𝐃 𝐂𝐀𝐑𝐋𝐎𝐒 𝐏𝐀𝐃𝐈𝐋𝐋𝐀 2026, 𝐏𝐚𝐠𝐤𝐢𝐥𝐚𝐥𝐚 𝐬𝐚 𝐦𝐠𝐚 𝐌𝐚𝐦𝐛𝐚𝐛𝐚𝐭𝐚𝐬!

 1. Ang 𝐆𝐚𝐰𝐚𝐝 𝐂𝐚𝐫𝐥𝐨𝐬 𝐏𝐚𝐝𝐢𝐥𝐥𝐚 ay mataas na pagkilála sa mga mambabatas na may natatanging ambag o nagawa túngo sa pagsusulong, pagpapalaganap, pagpapayabong, at preserbasyon ng wikang Filipino.

 2. Bukás ang nominasyon sa mga dati at kasalukuyang mambabatas—laláki man o babae—mula sa mga lokal na yunit ng pamahalaan, Kongreso, at Senado na mayroong naipasang batas tungkol sa mga wika sa Pilipinas.

 3. Para sa lokal na yunit ng pamahalaan, kinakailangang may naipasang hindi bababa sa dalawang (2) ordinansang pangwika. Para sa Kongreso at Senado, kinakailangang may naipasang hindi bababa sa isang (1) batas pangwika. Nararapat na patuloy pa ring ipinatutupad sa nasasakupang bayan at sa bansa ang mga naturang batas.

 4. Ang mga nominado ay magmumula sa rekomendasyon ng indibiwal o pangkat mulâ sa loob at labas ng KWF.

 5. Pára sa nominasyon, ihanda ang limang (5) kopya ng sumusunod ng mga dokumento:

• Pormularyo sa Nominasyon <https://bit.ly/3QQGlG1>;

• Liham nominasyon na nagsasaad ng buod ng kalipikasyon ng nominadong indibidwal na may lagda nagnomina;

• Curriculum vitae; at

• Mga pruweba sa katipunan ng mga batas na nakapag-ambag sa mga wika sa Pilipinas

 6. Ilagay sa isa o higit pang expandable envelope ang mga tinukoy sa bílang 6 at ipadalá sa adres na nása ibaba:

 

𝐋𝐮𝐩𝐨𝐧 𝐬𝐚 𝐃𝐚𝐧𝐠𝐚𝐥 𝐧𝐠 𝐖𝐢𝐤𝐚 2026

𝐊𝐨𝐦𝐢𝐬𝐲𝐨𝐧 𝐬𝐚 𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨

2/𝐏 𝐆𝐮𝐬𝐚𝐥𝐢𝐧𝐠 𝐖𝐚𝐭𝐬𝐨𝐧, 1610 𝐊𝐚𝐥𝐲𝐞 𝐉.𝐏. 𝐋𝐚𝐮𝐫𝐞𝐥,

𝐒𝐚𝐧 𝐌𝐢𝐠𝐮𝐞𝐥, 𝐋𝐮𝐧𝐠𝐬𝐨𝐝 𝐌𝐚𝐲𝐧𝐢𝐥𝐚

 

7. Ang hulíng araw ng pagpapása at pagtanggap ng nominasyon ay sa 8 𝐇𝐔𝐍𝐘𝐎 2026, 5:00 𝐧𝐡.

 8. Gagawaran ang isang (1) mambabatas mula sa lokal na yunit ng pamahalaan, Kongreso, at Senado. Maaari ding walang tatanghaling magwawagi sa alinmang kategorya.

 9. Ang pasiya ng Lupon ng Inampalan ay pinal at hindi na mababago.

 10. Ang tatanghaling Gawad Carlos Padilla 2026 ay tatanggap ng naturang gawad sa 14 𝐀𝐠𝐨𝐬𝐭𝐨 2026.

 11. Pára sa ibá pang detalye, magpadalá ng email sa <timpalak.gawad@kwf.gov.ph>.

𝐏𝐚𝐚𝐥𝐚𝐥𝐚: 𝐏𝐚𝐫𝐚 𝐬𝐚 𝐩𝐚𝐠𝐛𝐮𝐛𝐮𝐤𝐚𝐬 𝐧𝐠 𝐦𝐠𝐚 𝐥𝐢𝐧𝐤, 𝐭𝐢𝐲𝐚𝐤𝐢𝐧𝐠 𝐤𝐚𝐲𝐨 𝐚𝐲 𝐧𝐚𝐤𝐚-𝐥𝐨𝐠𝐢𝐧 𝐬𝐚 𝐢𝐧𝐲𝐨𝐧𝐠 𝐆𝐨𝐨𝐠𝐥𝐞 𝐚𝐜𝐜𝐨𝐮𝐧𝐭 𝐮𝐩𝐚𝐧𝐠 𝐦𝐚𝐚𝐤𝐬𝐞𝐬 𝐚𝐧𝐠 𝐦𝐠𝐚 𝐩𝐨𝐫𝐦𝐮𝐥𝐚𝐫𝐲𝐨

#buwanngwika2026

#komisyonsawikangfilipino

#temabuwanngwika

@tema