Lazada

Tuesday, April 18, 2023

Suzette S. Doctolero, Gagawaran ng KWF Dangal ng Panitikan 2023

Gagawaran ng Komisyon sa Wikang Filipino si Suzettte S. Doctolero ng KWF Dangal ng Panitikan 2023 sa KWF Araw ng Parangal na gaganapin sa 27 Abril 2023, 10:00 nu–12:00 nt, Grand Ballroom, Hotel Lucky Chinatown, Binondo, Lungsod Maynila.

 Ang kaniyang kontribusyon at hindi matatawarang ambag sa larangan ng telebisyon na nagtampok sa iba’t ibang kulturang Pilipino gamit ang wikang Filipino ay natunghayan ng mga Pilipino sa kaniyang mga obra gaya ng Encantadia, Amaya, Indio, Sahaya, Legal Wives, at Maria Clara at Ibarra. Bílang eskperto sa larangan ng malikhaing pagsulat ng iba’t ibang obra ay patuloy niyang isinulong at pinasigla ang Panitikan Pilipino sa telebisyon at industriya ng pelikula.

Nakapagbigay rin siya ng mga panayam sa iba’t ibang institusyong pang-akademiko bilang kaniyang adbokasiya na makapagbahagi ng kaalaman sa mga estudyante hinggil sa iba’t ibang aspekto ng pagsusulat sa telebisyon at pelikula.

 Ang Gawad Dangal ng Panitikan ay ang mataas na pagkilála sa naiambag sa panitikang Pilipino o lifetime achievement award. Binibigyang-pagpupugay nitó ang natatanging manunulat na nagpakita ng pagpapahalaga sa kultura, kaakuhan, at kayamanang pamana, bukod sa pambihirang pagkasangkapan sa Filipino at ibá pang wikang panrehiyon o panlalawigan.### 

#buwanngpanitikan

#suzettedoctolero

#dangalngpanitikan2023

#komisyonsawikangfilipino



Rebitalisasyon tungo sa Pagpapanatili at Pagpapalakas ng mga Wika sa Pilipinas

Ikaapat na Serye ng Webinar ng Komisyon sa Wikang Filipino (KWF)

Malugod kayong inaanyayahan ng Komisyon sa Wikang Filipino (KWF) sa apat (4) na Serye ng Webinar kaugnay ng pagdiriwang ng Buwan ng Panitikan (BnP) 2023 na may temang “Kultura ng Pagkakaisa: Pagsisiyasat ng Pagkakaisa sa pamamagitan ng Panitikan”.

Para sa ikaapat na webinar sa huling Miyerkoles ng Abril, tatalakayin ang paksang “Rebitalisasyon tungo sa Pagpapanatili at Pagpapalakas ng mga Wika sa Pilipinas” sa pamamagitan ng ating ekspertong tagapanayam na si Dr. Aurelio S. Agcaoili, Manunulat at Koordineytor sa Ilokano and Philippine Drama and Film Program of the Department of Hawaiian and Indo-Pacific Languages and Literatures at Propesor sa University of Hawaii-Manoa.


Narito ang detalye ng Zoom:

https://bit.ly/3olS40W

Meeting ID: 861 3146 1157

Passcode: 442539





Wednesday, April 12, 2023

Pagsasalin ng mga Katutubong Panitikan: Susi sa Kaisahan at Kamalayan

 IKATLONG SERYE NG WEBINAR

Malugod kayong inaanyayahan ng Komisyon sa Wikang Filipino (KWF) sa apat (4) na Serye ng Webinar kaugnay ng pagdiriwang ng Buwan ng Panitikan (BnP) 2023 na may temang “Kultura ng Pagkakaisa: Pagsisiyasat ng Pagkakaisa sa pamamagitan ng Panitikan”.

Sa ikatlong serye ng webinar ay bibigyang talakay naman ni Dr. Genevieve L. Asenjo, isang Manunulat at Tagasalin sa Kinaray-a, Hiligaynon, at Filipino at Propesor sa De La Salle University (DLSU), ang paksang “Pagsasalin ng mga Katutubong Panitikan: Susi sa Kaisahan at Kamalayan. Ito ay gaganapin sa ika-labinsiyam ng Abril, 10:00 nu–12:00 nt sa pamamagitan ng Zoom.

Narito ang detalye ng Zoom:

https://bit.ly/3oaRIu5

Meeting ID: 893 5819 4315

Passcode: 869691

Ang mga dadalo sa webinar ay makatatangaap ng e- sertipíko mulâ sa KWF.

#buwanngpanitikan

#librengserminar

#kwf

#komisyonsawikangfilipino



Monday, April 10, 2023

Kultura ng Pagkakaisa: Pagsisiyasat ng Pagkakaisa sa pamamagitan ng Panitikan

 IKALAWANG SERYE NG WEBINAR


Malugod kayong inaanyayahan ng Komisyon sa Wikang Filipino (KWF) sa apat (4) na Serye ng Webinar kaugnay ng pagdiriwang ng Buwan ng Panitikan (BnP) 2023 na may temang “Kultura ng Pagkakaisa: Pagsisiyasat ng Pagkakaisa sa pamamagitan ng Panitikan”.

Ang panayam sa ikalawang serye ng webinar ay ipagkakaloob naman ni G. Nelson Santos, pangulo ng Publishers Association of the Philippines Inc. (PAPI). Tatalakayin niya ang paksang “Pahayagan ng Pagkakaisa sa pamamagitan ng Panitikan” na gaganapin sa ika-labindalawa ng Abril, 10:00 nu–12:00 nt sa pamamagitan ng Zoom.



Narito ang detalye ng Zoom:

https://bit.ly/3zNY05k

Meeting ID: 826 1717 8702

Passcode: 010779

Ang mga dadalo sa webinar ay makatatangaap ng e- sertipíko mulâ sa KWF. 

#buwangngpanitikan

#kwf

#librengseminar


Monday, April 3, 2023

Buwan ng Panitikan 2023

 “Kultura ng Pagkakaisa: Pagsisiyasat ng Pagkakaisa sa pamamagitan ng Panitikan”.



#buwanngpanitikan2023
#buwanngpanitikan
#kwf




UNANG SERYE NG WEBINAR

Malugod kayong inaanyayahan ng Komisyon sa Wikang Filipino (KWF) sa apat (4) na Serye ng Webinar kaugnay ng pagdiriwang ng Buwan ng Panitikan (BnP) 2023 na may temang “Kultura ng Pagkakaisa: Pagsisiyasat ng Pagkakaisa sa pamamagitan ng Panitikan”.

Para sa unang serye ng webinar, ang tagapanayam sa paksang “Filipino Sign Language: Pagsulong ng Deaf Culture sa pamamagitan ng Panitikan” ay ibabahagi ni Bb. Perpi A. Tiongson, isang Deaf Advocate at Philippine Deaf Studies Researcher. Ito ay gaganapin sa 5 ng Abril, 10:00 nu–12:00 nt sa pamamagitan ng Zoom.

Narito ang detalye ng Zoom:

Meeting ID: 825 7111 3789
Passcode: 002132

Ang mga dadalo sa webinar ay makatatangaap ng e- sertipíko mulâ sa KWF.





Friday, December 23, 2022

CAEPUP (College Admission Evaluation of Polytechnic University of the Philippines)

 ATTENTION APPLICANTS!

CAEPUP (College Admission Evaluation of Polytechnic University of the Philippines) for PUP Sta. Mesa Campus will start accepting applications on December 26, 2022. 

Deadline of submission is on February 15, 2023. 

For more details, kindly check this link and take note of the guidelines on CAEPUP application: https://www.pup.edu.ph/iapply/caepup

See you soon, mga future Iskolar ng Bayan! 

#pup

#iskolarngbayan

#pupcet



Sunday, November 20, 2022

Ang Hulí Kong Alaala (11 Marso 1916)

 José Corazon de Jesús Mga Pilìng Tula




Ang Hulí Kong Alaala (11 Marso 1916) 


ni Virgilio S. Almario


Paraluman: Ang tulang ito’y pinakabatì ko na sa inyong

pakikipag-isang pusò sa táong lalong mapalad marahil

kaysa akin. . . 


Nagsasayá sa bahay mo. May awitan. May sayawang

ang kasaliw ay orkestang nabibigay kagalakan;

may makatang tumutula’t bumabatì nang magálang

sa bago mong tatamuhing maligayang pamumuhay . . .

Ikaw Talà ay masayá sa gayong mong kalagayan,

ang damit mo’y kulay putî, may korona kang asahar,

ang lambong mo’y kakulay din ng damit mong pinagyaman,

ano pa nga’t putîng-putî ang suot mo paraluman.



Sa tapat ng tahanan mo’y nakahinto ang karwaheng

maghahatid sa simbahan sa iyo’t sa iyong kási;

sa simbahan, ang dambana’y kay ningning ng palamuti’t

ang maugong na batingaw ay para pang nagpupuri;

para manding sa palad ko’y siyáng tanging nagsasabing

ikaw aking paraluma’y di na sa aking sarili;

ikaw ngayon ay ibá na’t may ibá nang kinakási,

at akong naging giliw mo’y iiwan nang naduhagi.


At hindi nga nalauna’y nanaog na kasáma mo

ang laláking nagkapalad na lubusang maging iyo!

Siyá’t ikaw sa sasakya’y payapà nang patutungo

sa dambanang nag-aantay upang pag-isahin kayó.

Mga abay, panauhi’t marami pang mga táo

ang ibig na makasaksi sa gagawing kasal ninyo;

ako lámang yaong tanging walâng layàng makisálo

sa lahat ng nangyayáring luwalhating inyong-inyo.


At dumatíng sa simbahan, ang sasakyan nagtutulin,

kasintulin ng paglayô ng nagmaliw mong paggiliw.

Siyá’t ikaw ay nanaog at nások na mataimtim

sa luhurang naroroo’y lumuhod na magkapíling . . .

At ang Parì’y pinag-isa kayóng dalawa sa turing,

kayó naman bawat isa’y sumumpang di magmamaliw.

Ay! Naganap ang kasalan, sa bahay mo’y nagbalik din,

ang lahat ng nagsiabay at sumaksing panauhin.


Samantálang nagsasayá sa bahay mong aliwalas

ay may isang diwa namang nilalason ng pahirap,

isang pusò naman yaong nilulunod ng bagabag

at natiráng nag-iisa sa malungkot na pagtawag . . .

At ang diwang nahahapis at ang pusòng nawakawak

ay sa akin lámang giliw lubusan mong mamamalas.

Ang matá ko pahirin ma’y may luha ring nalalaglag

at warìng sa katwaan mo, ang pusò ko’y ayaw mayag.



Ngunit ako ay hulí na! Ginang ka nang tatawagin

na hindi na mangyayáring sa asawa ay magmaliw . . .

Hindi na nga maaari ang ikaw pa’y kausapin

pagkat bakâ pa magálit ang bago mong ginigiliw.

Ang titig mo, ang lambing mo’t ang pusò mo’y di na akin,

may bago nang nag-aaring lalong mapalad marahil . . .

Samantálang ako ngayon . . . ni dangal ma’y walâ na rin,

palibhasa’y inibig mong ako’y iyong ulilahin.


Hindi kitá sinisisi sa lubos mong pagtalikod

sa pusò kong umaasang ako’y di mo malilímot;

hindi ako naghahangad ng masamâng pagkatápos

ng bago mong kapalaran sa píling ng bagong irog . . .

Kung bagama’y lalo ko pang ninanasà ang malubos

ang tuwâ mo, ang sayá mo’t ang galak ng iyong loob

at nang sa ganito man lang ay akin ding maihandog

sa ilalim ng yapak mo ang batì kong sakdal lungkot.



Magsayá ka paraluman! Tumáwa ka . . . magalak ka!

Ako man ay nagagalak pagkat ikaw’y nagsasayá.

Ngunit akin lámang bilin kayó sánang mag-asawa’y

magsidalo sa libing kong inyo na rin makikíta;

ako nga ay papayapà nang kayó ay lumigaya,

bakâ dahil pa sa akin tuwâ ninyo ay magbawa.

Walâng tigil ang batingaw pagkat kayó’y nakasal na

dapwat ang susunod diya’y ang malungkot kong plegarya.



ctto


#josecorazondejesusmgapilìngtula

#virgiliosalmario

#panitikan

#buwanngpanitikan

#buwanngwika

# sananselmopublicationsinc